Хрватска ова лето на Крка ќе ги исполни вашите денови со звуците на прастарите кркски дувачки инструменти – сопила. Црес ќе ви открие необична тајна – Вранско езеро, слатководна појава која е реткост на карстниот остров. Пријавете се во нуркачката авантура на Лошињ чиј подморски простор скрива многу потопени антички бродови. На Раб Хрватска дарува средновековен одмор во друштво на витези и самострелци на рабската манифестација. Паг, остров чија површина е налик на месечевото тло, ќе го памтите по традиционалните вкусови кои се чувствуваат во секое парче на пашко сирење.

Уловете си сами себе рибји ручек на туристичко рибарење кое го нуди Хрватска на островот на маслинките, Углјан. Заљубените можат да го поминат денот во морските радости на островот на љубовта – Галешњак. Поминете активен одмор на Пашман, остров со многу ридски стази за возење точаци кои ќе ја тестираат вашата спретност во карстниот предел на Далмација. Запловете по паркот на природата Телашица, вовлечен во залив во копното на Долгиот Остров, чии "расфрлени" острови сигурно ќе ве освојат.

Хрватска ќе ве забавува со старата кавга "чиј е островот Мрдуј", која островите Шолта и Брач ја решаваат еднаш годишно, кога секој од својата страна со јаже пробува да го привлече Мрдуј. Поминете одмор на место од разгледниците, плажата Златен Рат, туристички симбол на Брач. Хрватска ќе ве просветли со занимливостите на својот нај сончев остров Хвар, кој со мирисот на хрватската лаванда го разубавува Стар Град – најстар хрватски град. Откријте ги скриените заливи на Вис, остров на сред бескрајно море. Нуркајте во неописливото синило на Сината пештера во близина на островот Бишево.

Посетете го родното место на најпознатиот патник Марко Поло и ќе се заљубите во островот Корчула, каде опкружен со средновековни кули, лежи градот Корчула. Погледајте ја мечувачката атракција – корчулски воен танц Морешка со кој Хрватска секое лето ги воодушевува бројните посетители. Недопрениот островски природен парк и убавината на животот исполнета со традицијата на жителите ве очекува на Ластово. Побегнете од секојдневието во близина на Дубровник, каде Елафитските острови ќе ве опуштат преку мирисот на боровите додека се сончате на таинствените песочни плажи.

Запливајте во морските езера на Мљет, сред завидливото зеленило на овој национален парк. Корнатските острови ќе им се допаѓаат на обожавателите на нуркањето кои во овој национален парк можат да запознаат заштитен еко состав. Поминете цел ден на Бриуните, национален парк во кој Хрватска ќе ве развесели со шареноликите сафари на овие рајски острови.